Даволі кароткі спіс атрымаўся ў выдавецтва DC, хоць мінулы месяц аказаўся яшчэ больш сціплым. Застаецца толькі спадзявацца, што восенню пачнецца самае цікавае.

Robin & Batman: Jason Todd

Jeff Lemire, Dustin Nguyen

Комікс варта прачытаць дзеля глыбокага псіхалагічнага партрэта маладога героя, які змагаецца з унутранымі дэманамі і шукае сваю ролю побач з Бэтмэнам. Гэта эмацыйная, добра прадуманая гісторыя пра давер, гнеў і спробу вырвацца з ценю. Хто як ні Джэф Лемір здольны напісаць такую гісторыю, у канцы якой захочацца плакаць?

Афіцыйны сінопсіс: Джэф Лемір і Дастын Нгуен вяртаюцца, каб расказаць пра раннія дні вельмі незвычайнага Дынамічнага Дуэта — зусім з іншай дынамікай.

Бэтмэн мае новага Робіна: імпульсіўнага, зухаватага і безразважнага хлопца з цяжкім мінулым, якога Цёмны Рыцар быў упэўнены — зможа выхаваць у новага змагарца са злачыннасцю ў Готэме. Але ці зможа Бэтмэн выратаваць Джэйсана Тода ад цемры, што жыве ў ім самім? І калі таямнічы новы злыдзень пераключае ўвагу менавіта на Джэйсана, Бэтмэн пачынае сумнявацца, ці хопіць яму сілаў, каб выкараніць зло і пакуты з сэрца свайго новага падапечнага.

Trinity: Daughter of Wonder Woman

Tom King, Belén Ortega

Гэта варта прачытаць дзеля свежага і адначасова глыбока чалавечага погляду на будучыню сусвету DC праз гісторыю дачкі Цуда-Жанчыны. Гэта захапляльная прыгода пра спадчыну, адказнасць і надзею, у якой новае пакаленне герояў сутыкаецца з пагрозамі, што патрабуюць не толькі сілы, але і сэрца. Малюе Белен Артэга – іспанская мастачка, вядомая працай у стылі манга і супрацоўніцтвам з Marvel і DC.

Афіцыйны сінопсіс: Па шматлікіх просьбах яна вяртаецца – і цяпер з уласнай міні-серыяй… Трыніці! Усё пачынаецца з таго, што дачка Цуда-Жанчыны адпраўляецца ў сваю самую небяспечную прыгоду – у падарожжа праз час, каб знайсці свайго бацьку. Маладая гераіня ведае, што жарты з часовай лініяй маюць наступствы… але гэта зусім не значыць, што яна засвоіла ўрок з першага разу. Сітуацыя вось-вось стане «сабачы цяжкай», бо Super Sons ператварыліся ў… сабак! Падрыхтуйцеся да Крызісу Бясконцых Коргі!

Сцэнарыст Том Кінг і мастачка Белен Артэга вяртаюцца да Трыніці пасля сваёй гучнай серыі кароткіх гісторый у старонках Wonder Woman. Паверце, вам дакладна не захочацца прапусціць першую поўнамаштабную прыгоду Ліззі!

Krypto: The Last Dog of Krypton

Ryan North, Mike Norton

Гэта выразны і праніклівы пераказ гісторыі праз погляд Крыпта – сабакі, які страчвае свой дом і адчувае сябе чужым у новым свеце. Мінімум дыялогаў, але шмат эмоцый, перадаваных праз зразумелую мову цела сабакі, што робіць гісторыю эмацыйнай і душэўнай.

Афіцыйны сінопсіс: Зорны аўтар Раян Норт аварыйна саджае Крыпта на Зямлю!

Надыдзе дзень, калі Крыпта будзе стаяць побач з Супермэнам, дапамагаючы яму змагацца з монстрамі, іншапланецянамі і суперзлодзеямі – дзень, калі гэты сабака выратуе сваю прыёмную планету, дзякуючы неверагодным здольнасцям, якія яму дае дзіўнае жоўтае сонца Зямлі.

Але пакуль гэты дзень не прыйшоў. Сёння Крыпта – звычайнае шчаня на Крыптоне, якое праводзіць шчаслівыя, сонныя, бясконцыя дні побач са сваёй сям’ёй: Джор-Элам, Ларай і маленькім Кал-Элам. Але калі адна з ракетных спроб ідзе не па плане, Крыпта губляецца ў космасе – і неўзабаве робіць аварыйную пасадку, зусім адзін, на дзіўнай і чужой планеце з назвай Зямля.