Дзень новых коміксаў. 12 лютага 2025

Гэты тыдзень будзе адзначаны ў гісторыі коміксаў запускам новага глабальнага івэнта Marvel. Усяго ён будзе налічваць 30 коміксаў і закончыцца 14 мая. Закране серыі пра Людзей-ікс, Фантастычную чацвёрку, Чалавека-павука, Жалезнага чалавека, Чырвонага Халка і само сабой, Мсціўцаў.

Рэсурсы: patreon.com/comicsby leagueofcomicgeeks.com

One World Under Doom

Ryan North, R. B. Silva

АДЗІНЫ СВЕТ ПАД УЛАДАЙ ДУМА!

Шэсць месяцаў таму доктар Віктар фон Дум стаў Вярхоўным Чараўніком — а потым знік за зачыненай граніцай Латверыі. Для большасці людзей яго адсутнасць не была прыярытэтам, і некаторыя нават успрынялі гэта як дабраславенне. Але толькі нямногія разумелі, што насамрэч гэта было толькі зацішша перад бурай.

І вось гэтая бура ўжо прыйшла. Свет прачнуўся ў новай рэальнасці: доктар Дум, Вярхоўны Чараўнік Зямлі, з дапамогай магіі захапіў усе сродкі масавай інфармацыі на планеце і абвясціў сябе Імператарам Свету — кіраўніком новай Аб’яднанай Латверыі! І што яшчэ больш шакуючае і неверагоднае — усе сусветныя лідары, здаецца, згадзіліся з гэтым.

Але, на шчасце, што б гэта ні было — кантроль свядомасці ці Думботы — гэта не закранула герояў Зямлі. Таму яны хутка фарміруюць ударную групу, каб спыніць Думавыя планы. Але ці атрымаецца ў іх? І што будзе, калі некаторыя пачнуць вітаць новага Імператара з распасцёртымі абдымкамі, заклікаючы да Адзінага Свету пад уладай Дума?

Green Lantern Corps

Jeremy Adams, Morgan Hampton, Fernando Pasarin

Корпус вярнуўся!

І якраз своечасова, каб смяротная сага «Раздроблены спектр» запусцілася на поўную магутнасць! Далучайцеся да новага складу Корпуса Зялёнага Ліхтара, які адпраўляецца ў глыбіні галактыкі, каб спыніць Сораў і ягонага гаспадара ад стварэння ўласнай энергетычнай батарэі.

Джон Ст’юарт, Кайл Рэйнер, Джэсіка Круз, Гай Гарднер, Джо Малэйн і ўсе вашыя любімыя Ліхтары вяртаюцца ў самым неверагодным касмічным ансамблі!

І ўсё гэта дзякуючы грандыёзнай галактычнай творчай камандзе: Джэрэмі Адамсу (Green Lantern), Моргану Хэмптану (Cyborg) і Фернанда Пасарыну (The Flash)!

Eddie Brock: Carnage

Charles Soule, Jesús Saíz

САМЫ СМЯРОТНЫ АБАРОНЦА З УСІХ!

Ён быў Вэнамам. Ён быў Анты-Вэнамам. Ён быў Каралём у Чорным… Але цяпер Эдзі Брок стварыў сваю самую цёмную сувязь — ён аб’яднаўся з адзіным і непаўторным Карнажам!

Ці зможа ён стрымаць бясконцую крыважэрнасць свайго новага “іншага”? Ці ж ён паддасца вар’яцтву і забойствам?

Далучайцеся да Эдзі і Карнажа ў падарожжы па самых змрочных кутках Сусвету Marvel, дзе крывавая смерць — іх адзіны правадыр!

Bug Wars

Jason Aaron, Mahmud Asrar

Слэйд Слэймэйкер — хлопец з Алабамы, які раптам апынуўся ў жорсткім свеце, пра які нават не мог уявіць.

Свеце разбуральных армій мурашак, чарадзейных павукоў-ведзьмаў і варвараў, што скачуць на жуках. Каралеўстве маленькіх, але смяротна небяспечных воінаў, схаваным проста ў ягоным двары.

Гэты ж самы свет, дзе яго бацьку з’елі жыўцом казуркі, цяпер уцягвае маладога Слэйда ў сярэдзіну жорсткай Вайны Жукоў, ад выніку якой залежыць лёс ягонай сям’і.

Ад зорнай творчай каманды: сцэнарыста Джэйсана Аарона (Southern Bastards, Teenage Mutant Ninja Turtles, Absolute Superman) і мастака Махмуда Асрара (Conan the Barbarian, X-Men, Batman & Robin) — сустракайце маштабны дэбют BUG WARS: BOOK ONE — першай прыгоды ў грандыёзнай эпапеі цёмнага фэнтэзі!

The Hive

A. J. Lieberman, Mike Henderson

Мэйсан Шоу — ніхто. Звычайная працоўная пчала.

Але ўсё змяняецца, калі ён сутыкаецца з нешматлікімі ўцекачамі, што спрабуюць застацца на крок наперадзе каралевы з неверагоднай сілай, якая гатовая забіваць, толькі б захаваць кантроль над сваім роем.

Сардэчна запрашаем у ВУЛЕЙ.

Топ-10 самых чаканых коміксаў Marvel на гэтым тыдні: