Дзень новых коміксаў. 19 сакавіка 2025

Шукаеце новы комікс, з якога можна было б пачаць чытаць – вам сюды.

Absolute Flash

Jeff Lemire, Nick Robles

ДЖЭФ ЛЕМІР І НІК РОБЛЕС ІМЧАЦЦА Ў АБСАЛЮТНЫ СУСВЕТ!

Без настаўніка… без сям’і… без Сілы Хуткасці – застаецца толькі Абсалютны Пунсовы Спрынтар!

DC x Sonic the Hedgehog

ТРЭБА. БЕГЧЫ. МАЛАНКАВА-ХУТКА.

Гэта красовер, якога яшчэ не было! Жахлівы Дарксайд перасякае вымярэнні, каб уварвацца ў свет Соніка, шукаючы найвышэйшую сілу. Сонік і яго сябры сутыкаліся з усім – ад вар’яцкіх навукоўцаў да старажытных духаў, але сілы Апакаліпса могуць аказацца для іх занадта магутнымі. На шчасце, у бой уступае ўся гераічная моц Лігі Справядлівасці!

Не прапусціце першую частку гэтага ўнікальнага красоверу!

Out of Alcatraz

Christopher Cantwell, Tyler Crook

Зняволеныя Фрэнк Морыс і Кларэнс Англін дабраліся да берага ў Сан-Францыска пасля таго, як перажылі свой знакаміты ўцёк з федэральнай турмы Алькатрас у чэрвені 1962 года. Неўзабаве яны сустракаюць свайго грубага і расчараванага куратара — загадкавую маладую жанчыну, якая таксама ад нечага ўцякае. Іх надзея – як мага хутчэй дабрацца на поўнач, да мяжы, але спачатку ім трэба выжыць у Медэста.

Пакуль рашучая федэральная пагоня і выпадковыя сустрэчы пагражаюць уцекачам, усе, хто аказаўся ўцягнутым у гэту гісторыю, хутка зразумеюць адну крывавую ісціну: жыццё ў бегах – гэта яшчэ больш пякельная турма, чым Алькатрас калі-небудзь мог быць.

The Last Boy

Dan Panosian, Alessio Avallone

Гады пасля прыгод Пітэра Пэна з Вендзі Дарлінг, хлопчык, які не хацеў расці, цяпер застаўся апошнім у Нятландзіі, хто ўсё яшчэ трымаецца за сваю юнацкую авантурнасць.

Тым часам у Лондане Вендзі таксама сумуе па дзяцінстве і яго свабодзе ад адказнасці, змагаючыся з пераходам у дарослае жыццё і чаканнямі сям’і.

Іх жаданні ствараюць люстраны водгулк фантазіі і рэальнасці, а фатальная сустрэча з пастарэлым капітанам Хукам становіцца пераломным момантам для Пітэра: ён разумее, што Нятландыя расце без яго.

Але ці знойдуць яны адзін аднаго зноў, каб працягнуць свае даўнія прыгоды… ці гэта сапраўды апошні парог іх юнацтва?

Сучасная інтэрпрэтацыя класічнай гісторыі ад легендарнага пісьменніка Дэна Панозіана (Alice Never After, Canary) і яркай зоркі ў свеце мастацтва Алесія Авалонэ!

Crush Depth

Tim Daniel, David Andry, Alex Sanchez

Два браты, захопленыя братэрскім суперніцтвам, змагаюцца за камандаванне гіганцкай ядзернай падводнай лодкай Absolution у недалёкай будучыні, незваротна змененай кліматычнай катастрофай.

Галоўны навуковы афіцэр Ліяна Пірсан аказваецца не толькі паміж двума братамі Вайлдэрамі, але і ў палоне ўласнага страху перад паверхняй свету.

Калі нешта іншапланетнае пранікае на Absolution, разбураючы раўнавагу сіл, у Ліяны застаюцца толькі два смяротныя варыянты — дабрацца да атручанага паверхневага свету або накіраваць падлодку ў бязлітасную бездань на глыбіню, якая здолее яе раздушыць.

Топ-10 самых чаканых коміксаў Marvel на гэтым тыдні: