Дзень новых коміксаў. 16 красавіка 2025

Серада. Новыя коміксы ўсё яшчэ выходзяць, а мы ўсё яшчэ расказваем пра іх.

Summer of Superman Special

Mark Waid, Dan Slott, Jorge Jiménez, Joshua Williamson

Вось яно! З ВЯСНЫ АДРАЗУ Ў ЛЕТА СУПЕРМЭНА!

Чалавека са сталі і яго сусвет сяброў, сям’і, саюзнікаў і ворагаў чакаюць вялікія змены — і ўсё пачынаецца са спецыяльнага выпуску “Лета Супермэна”!

Гэтым спецыяльным павялічаным нумарам займаюцца галоўныя архітэктары серыі пра Супермэна: Джошуа Уільямсан («Superman»), Марк Уэйд («Superman: Action Comics») і — са сваім гучным дэбютам у свеце будучыні — Дэн Слотт. Гэты выпуск стане асновай для ўсіх важных падзей, якія ўскіпяць у коміксах пра Супермэна!

Калі Джон Генры Айранс і Лана Лэнг даюць шлюбныя зарокі, на ўрачыстасць збіраюцца ўсе — але на гарызонце ўжо згушчаюцца хмары: пагрозы з мінулага, сучаснасці і будучыні запускаюць новыя сур’ёзныя канфлікты для сям’і Супермэна.

Усё гэта ажывае, дзякуючы непараўнальнаму мастацтву Хорхе Хіменеса («Batman», «Super Sons»). “Лета Супермэна — Спецыяльны Выпуск” — гэта ваша ўваходная кропка да самых захапляльных прыгод 2025 года!

Godzilla vs. Hulk

Gerry Duggan, Giuseppe Camuncoli, Daniele Orlandini

РАЎНД ДРУГІ: ГАДЗІЛА СУПРАЦЬ НЕВЕРАГОДНАГА ХАЛКА!

Генерал Рос не церпіць монстраў у любой форме. Са сваёй антыкайдзю-камандай — Громаадводаў (Thunderbolts) — ён ужо знішчыў або пасадзіў пад замок самых вялікіх і небяспечных стварэнняў на планеце: Фін Фанга Фума, Мотру, Кумонгу, нават Халка.

Цяпер засталася яго галоўная здабыча… ГАДЗІЛА. Але спробы Thunderbolts пераадолець свайго апошняга монстра могуць прывесці да самага разбуральнага бойнішча ў гісторыі.

Прыйшоў час даведацца, хто насамрэч самы моцны з усіх!

РАЎНД ДРУГІ — у серыі з шасці адзіночных бітваў!

Superior Avengers

Steve Foxe, Kyle Hotz, Luca Maresca

ГЭТА НЕ ТЫЯ МСЦІЎЦЫ, ЯКІХ ЛЮБІЎ ТВОЙ БАЦЬКА!

І быў некалі дзень, не падобны ні на адзін іншы, калі Доктар Дум захапіў уладу над светам… і яму спатрэбілася ўласная каманда МСЦІЎЦАЎ!

Крыстаф Вернард, сын ВІКТАРА ФОНА ДУМА, атрымаў загад сабраць новую версію Найлепшых Герояў Зямлі! Але хто яны, гэтыя патэнцыйныя героі? І як яны сталі ВЫШЭЙШЫМІ МСЦІЎЦАМІ?

Даведайцеся, калі Стыў Фокс і Лука Марэска прадставяць вам гісторыю, не падобную ні на адну іншую, у свеце, дзе існуе толькі АДЗІН СВЕТ ПАД УЛАДАЙ ДУМА!

Buried Long, Long Ago

Anthony Cleveland, Alex Cormack

Заснавана на рэальных падзеях: у перыяд з 1901 па 1908 год Бел Ганэс вабіла дзясяткі самотных мужчын на сваю ферму ў штаце Індыяна і жорстка забівала іх дзеля грошай. Паколькі Бел удалося пазбегнуць арышту і суда, значная частка гэтай гісторыі засталася нерасказанай.

Да сённяшняга дня.

Гэта — пераказ яе жудасных злачынстваў у выглядзе змрочнай казкі з пункту гледжання трох яе маленькіх дзяцей, якія неўзабаве адкрываюць: на ферме ёсць нешта значна горшае і злавеснейшае, чым іх уласная маці.

Нешта, што было пахавана вельмі, вельмі даўно…

Топ-10 самых чаканых коміксаў Marvel на гэтым тыдні: